حدث فى الاتوبيس

بسم الله الرحمن الرحيم
كنت عايز اخد رايكم يا يا شباب فى موقف حصلى
( حدث فى الاتوبيس )

وانا
راكب الاتوبيس .....شفت حبة عيال سيس....بيخايلو على بنت فى
الاتوبيس.......واحد قال يالا والتانى قال قشطه بيس.....بدات ابص ليهم
....اصل انا كنت فى الاتوبيس .....اراقب واشوف ايه اللى هيعملو حبة عيال
سيس ....بداو يتكلمو قدامها عن المغامرات......ويفردو نفسهم على اللى فى
الاتوبيس......واحد بيقول اما كنت فى الصين كان ليا قصص مثيره
تنين......اصل بابا بيحب الصين ....وماما كمان بتعيش فى الصين ...وبتحب
شعب الصين...فالتانى رد وقال انا بحب امريكا وبقضى الصيف كله
هناك....صاحبنا بتاع الصين بدا يحكى ويقول إن هو كان مره ماشى هناك لقى
ناس كتير حوليه وعايزن يهجمو عليه بس هو مسكتش ده بطل الصين فى الكارتيه
جاب الكبير واداله المين فالباقى خاف وجرى ...والتانى قال وانا فى شيكاغو
كان فى طفل بيجرو وراه ضرب النار شغال من كل حته ولا همنى رحت جبته ونجيته
من بين الناس الوحشين.....فاتغظت وقلته ياه يا نجم انت رحت الصين فقالى اه
والتانى قلتله انت رحت امريكا فقالى ده عشقى الاول والاخير اصحابنا قعدو
يحكو ويقولو والحلوه بدات تركز فى الكلام صاحبنا ابو ساميه بتاع الصين
قلتله الصين حلوه قال مش الصين بس والبلاد اللى حوليها مقولكش.....قولتله
كوريا واندونسيا.....ابن الهبله قال كوريا واندونسيا مين انا بتكلم عن
ايطاليا واسبانيا (فقلتله ايطاليا والاسبانيا والله العظيم يا كابتن)فقالى
مسيرك هتروح وتعدى عليهم ده ايطاليا لزقه فى الصين قلتله وده يترحلها
باتوبيس كام 4 ايطاليا و2 الصين فالحلوه قالت انت بجد رحت ايطاليافالمعلم
اتنفخ ورفع راسه وقال طبعا انا كل سنه هناك فالحلوه قالت انا بحب ايطاليا
قوى وبروحها كتير وانا اضحك واقول اللى جنب الصين!فقالتلى امال اللى جنب
شبرا فقلتلها انتى كمان فبصيت لصاحبنا بتاع امريكا وقلتله وانت بتروح
امريكا فقالى كل صيف بقضيه هناك مع مامى قولتله اوعى تكون امريكا كمان جنب
الصين فقالى لا قلتله الحمد لله فقالى بعديها بكام بلد كده قلتله امريكا
بعد الصين بكام بلد ونت بتقول ان الصين جنب ايطاليا وانتى كمان الله عليكم
بجد انتم شوقتونى انى اروح الصين اللى جنب ايطاليا فبقول لاخونا ابو ساميه
بتاع الصين وعلى كده بتتكلم صينى فرد وقالى هو فى اسهل منه فقلتله طب
علمنى حاجه فقالى مشوقته فالحلوه قالت انا بتكلم ايطالى كويس اوى فصاحبنا
بتاع امريكا مره واحد قال oh my godانا مشمصدق نفسى فقلتله شكلك جامد فى
الايطالى فقاللى لا انا بتكلم انجليزى وهندى فقلت الله واحد بيتكلم صينى
والتانىه ايطالى والتالت هندى انا بتكلم لغه متعرفوش تكلموها فقالو بجد
ايه قلتلهم شبراوى مره واحده الضحك اشتغل وعمنا بتاع امريكا يملس وابو
ساميه بتاع الصين يتريق والحلوه مسخسخه على نفسها من الضحك.......ومن حظهم
الاسود انى بصيت لقيت جماعه شكلهم صينى راكبين الاتوبيس.....فقلت لعمنا
ابوساميه الصين جنب ايطاليا قالى طبعا والحلوه ردت وقالت جنبها على طول
وصاحبنا بتاع امريكا قالى انت اخرك مصر لازم يا ابنى تلف العالم وتروح
امريكا والصين فقلتلهم وانتم لازم تروحو ترعة الحلوه وعموما اكتر واحد
ممكن يكلمنا عن الصين الشباب دول ونديت للجماعه بتوع الصين وقلتلهم حد
بيتكلم عربى فرد واحد عليه اه والاقى ابو ساميه جاب ورى فقلتله انت منين
قالى من الصين انا والجماعه فقلتله اللى جنب ايطاليا فقعد يضحك وقالى انت
بتهزر فقلتله ابو ساميه هو اللى قال هو كل سنه فى الصين اللى جنب ايطاليا
فصاحبنا بتاع الصين زهق وبصلنا حتة بصه فابوساميه ولعها وعلى صوته فى
الاتوبيس وشتمه وقاله بتعاكسها فالناس اتلمت ولقيت صاحبنا بيتكلم مع
الجماعه صينى ويعلى صوته والناس اتلمت عايزين يضربو الجماعه بتوع الصين
واصحابنا يتكلمو صينى فقولت لابو ساميه عاجبك كده اهم بيشتمونا بالصينى
فقالى عرفت منين فقلتله يعنى بيشتمو وفجاه لاقيته بيقول وكمان بيشتمو مصر
بالصينى والاتوبيس كله هاتك يا ضرب فيهم بعد ما الخناقه خلصت لقتلك
الجماعه شافو كمين فنزلو واشتكونا للامن وحظنا انى كان فى ظابط موجود فطلع
خدنى انا والاموره وابوساميه وصاحبنا بتاع امريكا وانا اقوله طب اسمعنى يا
باشا الاول قبل ماتعمل اى حاجه وهو وراسه والف سيف نطلع على القسم خدنا
برابطة المعلم احنا والحماعه بتوع الصين على القسم دخلنا لقينا واحد بيشحط
ويزعق ويشتم ويقولنا بتضربو اجانب عملين فيها بلطجيه انتم لازم
تتروقو.....طول عمرى كنت بسمع الكلمه ده فى الافلام بس محستش بيها الا اما
دقتها وعمرى ماعرفت معنى الافه الحكومى الا ساعتها ظهر 3 رجاله بالهوى
خدتلى قلمين على شلوتين على راى سعيد صالح وبلاد تشيلنى وبلاد تحطنى وانا
اصوت ووالحلوه تعيط وتقول انا معملتش حاجه وصاحبنا ابو ساميه وبتاع امريكا
بيضربو معايه واصحابنا بتوع الصين فرحانين فينا وانا اصوت واقول اسمعنى يا
باشا واصوت فقالهم سيبوه تعالى هات بطاقتك طلعتله البطاقه وكارنيه الجامعه
فقالى وكمان طالب فى كليه علوم وانت وهو فى حقوق فقلتله يا باشا الحكايه
وما فيها ان عمنا ده كان بيقول انا ايطاليا جنب الصين فشفت الجماعه فجبتهم
يشهدو !ما توقعتش فى حياتى انى هلاقى الاجابه ده قال للجماعه بتوع الصين
روحو انتم وانا هجبلكم حقكم وقالنا فيها اما يقول ان الصين جنب ايطاليا
فقلتله الجماعه افتكرونا بنتريق عليهم فقالى تلاقى المشاكل اللى بينهم
وبين بعض على الحدود هى اللى خلتهم يتعصبو كده فقلتله حدود مين يا باشا
وانا ماسك نفسى من الضحك بالعافيه فقالى (الحدود اللى بين الصين
وايطاليا)فخدت البطاقه والكارنيه وقلتله شكرا يا باشا على فكره الصين حلوه
يا باشا فقالى انت متناكفش حد وسيبك انت من الصين وايطاليا قلتله حاضر يا
باشا وانا مشقادر مشعارف اضحك ولا اعيط واول ما طلعت من القسم كل اما
اقابل حد اقوله مشالصين طلعت جنب ايطاليا وانا اضحك واللى اقوله يبصلى
ويضحك
الله يخربيت التعليم اللى خلى ايطاليا جنب الصين والظابط مشعارف مين اللى
جنب مين وده حكايتى مع الاتوبيس وايطاليا والصين اللى جنب بعض البلد عايزه
كده
هههههههههههههههههههههههههه حاجه تكسف
نسيت اقولكم ابقو غيرو الخريطه حطو ايطاليا جنب الصين وامريكا بعدهم بكام
بلد كده بس ابقو دور لينا على مكان والله انا خايف فى يوم اركب الاتوبيس
الاقى مصر متشال اسمها من على الخريطه ومكتوب مكانها ((اسرائيل وامريكا
وايطاليا والصين))
ساعتها مشعارف اكلم مين واروح فين!

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: سيت اقولكم ابقو غيرو الخريطه حطو ايطاليا جنب الصين وامريكا بعدهم بكام
بلد كده بس ابقو دور لينا على مكان والله انا خايف فى يوم اركب الاتوبيس
الاقى مصر متشال اسمها من على الخريطه ومكتوب مكانها ((اسرائيل وامريكا
وايطاليا والصين))

هههههههههههههههههههههههه

ههههههههههههههههه مستحيل تحصل هنا فى مصر صح ؟

تسلم ايدك يامريم