نكت موت من الضحك روعة

واحد بلديتنا رشح نفسه فى الانتخابات كتب تحت صورته



و عسى ان تكرهوا شئ و هو خير لكم






************ ********* ****



واحد بلديتنا رجع من الشغل لقى مراته مطبختش فزعل و دخل نام


فحبت تصالحه قالت له اعمل لك مساج؟؟ قال لها عليا الطلاق لو عملتيه لارميه بحلته فى الشارع




************ ********* ****

تاجر مخدرات راح يخطب واحدة


فأبوها بيسأله انت بتشتغل ايه؟



قال له فنى تكييف


************ ********* ****

واحد بيقول لصاحبه الرجاله هيعطوهم ستات قشطة فى الجنة


قال له و الستات بتوعنا هيروحوا فين؟


قال له هيعذبوا بهم الكفار


************ ********* ****

تفتكر ليه لبان كوكو واوا مبقاش موجود فى السوق؟


عشان كوكو خف


************ ********* ****


واحد اتجوز واحدة صينية باسها بوستين و باظت


************ ********* ****

واحد بلديتنا دعى ربنا 15 سنة يرزقه بولد


نزل ملك من السما قال له ابوس ايد امك اتجوز


************ ********* ****


واحد بيقول لحبيبته يمكن مكونش غنى و لا عندى فلوس ولا فيلا و لا عربية


زى محسن صاحبى بس بحبك فحضنته و دمعت و قالت له لو بتحبنى بجد عرفنى على محسن


************ ********* ****


مذيع بيسأل واحد بلديتنا: أحمد زويل اخد جايزة نوبل فى ايه؟؟


قال له فى علبة قطيفة حمرا


********* ****


هو ليه فى سندباد و مفيش هندباد؟


مع ان فى جوز هند بس مفيش جوز سند!


و ليه فى شهرزاد و مفيش اسبوع زاد او نقص؟؟

و ليه فى باكستانى و مفيش باكستالت ولا رابع؟؟


اكيد ربنا له حكمة..


محشش يتأمل ملكوت الله


*******


محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل


قال له بكرة مشغول عندى فرح جدى, سأله الموظف انت جدك عايش وعايز يتجوز؟؟


قال له الصراحة مكنش عايز بس ابوه و امه ضاغطين عليه


*******


واحد بلديتنا فى الجيش بيقول لعسكرى زميله فى الحرب: انت من دشنا؟؟

قال له لأ

راح ضربه بالنار و قال له تبقى من ديش العدو


*******


ندل انقذ شخص كان بيتحرق

كرموه و سألوه ايه سبب شجاعتك؟


قال لهم انقذته لسببين


الاول: علشان ميموتش شهيد


الثانى: علشان يعيش بقية حياته مشوه


*******


ظابط قبض على طفل بيشم

قال له الشمام الصغير اسمه ايه؟؟

قال له كنتالوب يا باشا


*******


واحد بلديتنا شغال سواق تاكسى فى الصين


كل ما حد يشاورله يقول له : ابو شكلك انا لسة موصلك


*******


واحد بيقول لصاحبه بتحب ابوك ولا اللحمة؟؟


قال له انت عبيط دى الشوربة بس برقبته


*******


عصفور صدمته عربية و اغمى عليه


صاحب العربية وقف و اخده البيت و حطه فى قفص


صحى العصفور لقى نفسه فى القفص مسجون قال معقوله يكون الراجل مات !!


*******


واد فرفور ابوه جاب له شريط اسلامى يمكن ينصلح حاله رجع البيت لقاه محجب


*******


واحد بلديتنا طلب يتعين فى مجلس الشعب


قالوا له انت اهبل !


قال لهم يعنى لازم الشرط ده؟؟


*******


بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص


رد البغبغان : ما تحلبنى بالمرة عشان تعمل رز بلبن يا روح امك


*******


صينى عايز يشترى 10 علب كوكاكولا


دخل محل بقالة واحد بلديتنا قال له : ين شين شانج كوكاكولا


واحد بلديتنا قال له بتقول 10 علب ايه؟


*******


واحد بلديتنا عايز يشنق نفسه من رجليه سألوه ليه؟


قال جربت من رقبتى كنت هموت


*******


تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا


الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية


*******


بخيل مات طلع له بيتين فى الجنة


باع واحد و أجر واحد و سكن مع اخوه فى جهنم


*******


كانوا سألوا الرئيس المخلوع مبارك عن رأيه فى التغيير


قال: التغيير ده سنة الحياة


قالوا: طب و سيادتك مش هتتغير؟؟


قال: انا فرض مش سنة


*******


محشش قالوا له التدخين يؤدى الى الموت البطئ


قال لهم انا اساسا مش مستعجل


*******


محشش بيقول لصيدلى عندك شريط للبرد؟


قاله اه


قاله شغله خلينا نسمع


*******


مجانين شغل لهم الدكتور اغنية


قاموا كلهم يرقصوا الا واحد


الدكتور فرح و سأله انت ليه مش بترقص معاهم؟


قال له اصل انا العروسة


*******


محشش فى امتحان تعبير و مطلوب 10 صفحات


فكتب فى اول صفحة " ركب الراجل الحصان" و فى اخر صفحة "نزل الراجل من على الحصان"


و بينهم " درجن درجن درجن"


*******


بخيل عمل شوربة لحمة سألوه فين اللحمة؟


قال لهم : يعنى هوا شاى العروسة فيه عروسة؟


*******


واحد محشش اتصل بالبوليس و قاله: هوا الواحد ان مكنش يسأل عليكوا متسألوش انتو؟


*******


واحد بلديتنا مثقف اوى بعت رساله لاخوه بيقول له:


Open happy wrote his book on in in Friday


يقصد:


فتحى سعيد كتب كتابه على فيفى جمعه




*******


حرامى بيقول لامه الدنيا معدش فيها اخلاص


بسرق محفظة ابويا لقيت محفظتى معاه


*******


محشش وقفوه فى كمين سألوه مش رابط الحزام ليه؟


رد انا اصلا مش لابس البنطلون


*******


افريقى و ابنه من اكلة لحوم البشر خرجوا يشوفوا شغلهم فاصطادوا هيفاء وهبى


الولد قال لابوه نوديها البيت و ناكلها


قال له لا نوديها البيت و ناكل امك


*******


واحد مسطول ماشى بعربيته عكس الاتجاه


سمع المذيعة فى الراديو بتقول: الشرطة تلاحق واحد يمشى عكس الاتجاه


قال لنفسه: هههه هوا واحد بس دنا شايف عشرين لحد دلوقتى


*******


مسطول ضرب ظابط و موته و اتصل ب 122 و قال لهم احب ابلغكم انكم بقيتو 121




*******


واحد سأل شيخ لو شفت اسد و انا بصلى اكمل الصلاة؟


قال له لو لسة على وضوءك كمل




*******


راجل قام من النوم على صوت زعيق سأل الجيران فى ايه؟ قالوا له تصدق المياه مسممة


مراته صحيت سألته فى ايه؟


قال لها : المياه هتقطع اشربى و نامى


*******


عاجل.. عصابة خطفت الريس و طلبت 15 مليون دولار او يحرقوه بجاز


احنا بنلم للريس


الرجاء التبرع ب 2 لتر جاز


*******


واحد بلديتنا قاعد على الشط شاف واحد بيغرق


كل ما يرفع ايده


يقول له و عليكم السلام و رحمة الله


*******


واحد بلديتنا مش عايز يرد على صاحبه بعتله رساله


انا ناسى الموبيل فى البيت


*******


بلدينا المضيفة بتسأله: اجيب لك عشا كامل؟


قال لها: ليه هوا كامل مش هيتعشى؟؟


*******


صرصار بيجرى ورا عربية المجارى سألوه ليه؟


قال لهم ابن الكلب شفط المدام


*******


واحد فاز بمليون جنيه راح يقول لمراته فماتت من الفرحة قال سبحان الله الخير لما بييجى بييجى كله مرة واحدة


*******


واحد بلديتنا سرق مليون جنيه خدهم و شالهم فى حفرة و كتب "مفيش فلوس هنا"

راح حمدان ابن عمه خدهم و كتب " حمدان مخدش حاجة"


*******


واحد و مراته متخانقين و هما مسافرين بالعربية شافوا عزبة بقر قال لها يقربولك دول؟

قالت له اه دول اهل جوزى