((( ودي أموت اليوم )))

ودي أموت
اليوم وأعيش
باكر000

وأشوف منهو بعد موتي فقدني

ومنهو حملني لين ذيك المقابر 000

وأشكر أنا كل من كرمني ودفني

وأشوف يرثيني أنا كم شاعر 000

ومن هو نركني وماكتب شي عني

شخص تعنا لي مع أنه مسافر 000

وشخص قريب وأنا ميت طعني

وشخص يمثل دمعته ماهو قادر 000

وشخص تطيح دموعه كل ماذكرني

ومنهو من أهلي فالعزا كان حاضر 000

ومنهو دعا لي في صلاته
ورحمني

ومنهو
بنا بأسمي سبيل ومنابر 000

ومنهو يفز قلبه إلا من لمحني

ومنهو عشاني طول الأيام ساهر 000

ومنهو ثلاث أيام راح
وتركني

ومنهو
يرتب غرفتي والدفاتر 000

وإن شاف صورة لي مات وحضني

يالله عسى ماتخفي كل المشاعر 000

ويالله عسى ماينصدم يوم ظني

خايف يروح العمر وأكون خاسر 000

وإن طار طيري مايفيد التمني

وخايف
يجيني وقت أكسر الخواطر 000

وإن دارت الدنيا وزماني كسرني

ومدام هذي الدنيا صارت مظاهر 000

وكل من على كيفه وجوّه يغني

صحيح
مسلم لكن الهم كافر 000

وكل ما بغيت أضحك يهددني حزني

الضيق وافي والحزن حيل وافر 000

والجرح أكثر شي شفته يحبني

عايش وميت بين ماضي وحاضر 000

والصبر مفتاح الفرج ضاع مني

قل وش
تبي وتتركني ياحزني آمر 000

مسكين فرحي تصدق إنه وحشني

شاعر ولكني ماني شاعر 000

ودي أموت اليوم وارتاح مني

[ندعوك للتسجيل في المنتدى أو التعريف بنفسك لمعاينة هذه الصورة]

» الحديث النبوي الذي يحكي حالنا اليوم
» السعودية أول الدول المانحة تفي بمليار دولار مؤتمر الدول المانحة لليمن يختتم أعماله اليوم في الرياض