مصباح علاء الدين

اكتشفت سيدة مصباح علاء الدين. فركته بحماس فخرج منه الجني صائحاً: شبيك لبيك
عبــ... قاطعته السيدة: سيبك من الكلام ده.. حافظينه.. أنا عايزة أقول الثلاث أماني بتاعتي بسرعة.
>الجنّي: ماشي كلامك، بس الأماني علشان تتحقق ليها شرط.
>السيدة: خير اللهم اجعله خير.
>الجنّي: أي حاجة تطلبيها لنفسك جوزك حياخد منها عشر أضعاف.
>السيدة: يا راجل خضيتني! موافقة، أول أمنية: عايزة أبقى أجمل ست في العالم.
>الجنّي: حاضر، بس خدي بالك، جوزك حيبقى أحلى راجل في العالم هوّ كمان، والستات حيجروا وراه.
>السيدة: وإيه يعني، ما هو مش حيلاقي فيهم أجمل مني.. نفّذ وانت ساكت.
>الجنّي: أمري لله، جلا جلا ... وفي ثوان بقت أجمل امرأة في العالم.
>السيدة: الطلب الثاني، عايزة أبقى أغنى ست في العالم.
>الجنّي: خدي بالك، جوزك حيبقى أغنى منك عشر مرات.
>السيدة: انت بتتكلم كتير ليه؟ ما أنا عايزة كده، هوّ في فرق بين مالي ومال جوزي؟
>الجنّي: حاضر , جلا جلا ... وفي ثواني بقت أغنى ست في العالم.
>السيدة: الأمنية الثالثة: أنا حأطلع المستشفى دلوقتي حالاً أول ما أوصل عايزة تجيلي أزمة قلبية خفيفة
>علشان تجي ازمة قلبية لجوزي ضعفي عشر مرات ويموت واخذ انا كل حاجة!!